Fili “injoron” Skënderbeun, zgjedh një tjetër ekip të Superiores

Partizani të martën njoftoi mbylljen e kontratës me Realdo Filin. Talenti i njohur ka pasur oferta të shumta nga Kroacia, por dhe nga skuadra të ndryshme të Superiores, teksa ai ka zgjedhur për të vijuar karrierën pikërisht në elitën e futbollit.

Mendohej se sulmuesi i talentuar do të luante për pjesën e dytë të sezonit te skuadra e Skënderbeut, por zgjedhja e tij është skuadra e Kamzës për të pasur më shumë hapësira për të treguar vlerat e tij.

Ai ka hedhur firmën ditën e sotme në kontratë, dhe do të vendoset menjëherë nën urdhrat e trajnerit Ndreu./Koha Jonë/