Flamurtari shet Erald Maksutin në Rusi, zbulohet shifra e lartë

Sulmuesi shqiptar Erald Maksuti ka bërë një hap të rëndësishëm në karrierë, duke u transferuar zyrtarisht te Akhmat Grozny, skuadër e Superligës ruse.

Klubi i Flamurtarit përfiton rreth 700 mijë euro nga kjo marrëveshje. 22-vjeçari vjen pas një sezoni shumë të mirë me skuadrën vlonjate, ku shënoi 12 gola dhe u dallua si një nga lojtarët më të rëndësishëm të ekipit.

Më herët, Maksuti ishte pjesë e Apolonisë, nga e cila u transferua te Flamurtari për 150 mijë euro. Ai ka firmosur një kontratë afatgjatë katërvjeçare me klubin rus, ndërsa Akhmat Grozny e ka prezantuar zyrtarisht duke vënë në dukje edhe eksperiencën e tij me ekipet e moshave të Shqipërisë.