Flamurtari zyrtarizon afrimin e sulmuesit të Lacios

Flamurtari ka zyrtarizuar afrimin e sulmuesit të Lacios, Mamadou Tounkara. Futbollisti 22-vjeçar do të luajë në formë huazimi deri në fund të sezonit.

Nëpërmjet një postimi në “Facebook”, Flamurtari ka njoftuar afrimin e Tounkarës. Kartoni i sulmuesit zotërohet nga skuadra e Lacios.

Klubi i Igli Tares e ka huazuar vitet e fundit në skuadra si Krotone dhe Salernitana, duke i dhënë mundësinë e aktivizimit, pasi në ekipin e parë të Lacios është shumë e vështirë të gjejë hapësirë për shkak të konkurrencës së madhe. /Koha Jonë/