Flamurtarit nuk i mjafton Bushiç, barazon ndaj një ekipi kazak (VIDEO)

Flamurtari po zhvillon fazën përgatitore në Turqi, teksa sot është ndalur në një barazim 1-1 ndaj skuadrës së Atyraut. Ekipi vlonjat nuk arriti të administrojë rezultatin, pasi kaluan të parët në avantazh që në minutën e 35. Sulmuesi kroat Bushiç goditi saktë nga pika e bardhë.

Lojtarët e Flamurtarit nuk arritën të mbrojnë rezultatin dhe u barazuan nga skuadra e Atyraut në pjesën e dytë. Ky test miqësor i shërbeu trajnerit Duro për të parë gjendjen e skuadrës së tij.

Atyrau është një ekip që garon në ligën e parë të kampionatit kazak. Ata momentalisht ndodhen në vendin e 8-të. Ekipi kazak do të luajë edhe me një ekip tjetër shqiptar, pasi do të përballet me skuadrën e Teutës, takim ky që do të luhet më 18 janar.