Florenzi kërkon fitore ndaj Veronës

Mesfushori italian, Alessandro Florenzi është rikthyer më në fund nga lëndimi i gjatë që e mbajti jashtë fushave për rreth katër muaj.

Lojtari i Kombëtares së Italisë, pritet të jetë titullar për Romën në sfidën ndaj Hellas Veronës.

Kryeqytetasit do të kërkojnë fitoren e parë në shtëpi përballë Veronës.

Florenzi ka thënë se skuadra është rilindur me ardhjen e Di Francescos dhe kërkojnë fitore.

“Jemi rilindur me Di Francescon, çdo gjë po shkon mirë dhe jemi një grup i mirë i futbollistëve”.

“Do të hyjmë në fushë ndaj Veronës me të vetmin qëllim që ta fitojmë atë për tifozët tanë”, ka deklaruar Florenzi.

“Ndihem shumë mirë, ende jo në 100% por besoj se brenda dy tri javëve do të kap maksimumin e formës”, tha anësori italian.