Florenzi kthehet për ndeshjen me Interin, ish-trajneri Spalletti e mirëpret

Alessandro Florenzi është në dispozicion të Romës plot 10 muaj që nga dëmtimi i pësuar në ligamenet e kryqëzuar të gjurit të majtë, gjatë ndeshjes kundër Sassuolos, dëmtim që iu rikthye në shkurt, gjatë stërvitjes. Tani ai është gati dhe trajneri Di Francesco e ka grumbulluar për takimin kundër Interit, kundër ish-trajnerit roman Spalletti.

Edhe vetë trajneri, tashmë kundërshtar, shprehet i lumtur që lojtari është gati të luajë e ndoshta do të aktivizohet titullar kundër Interit. “Thonë që kanë vështirësi në krahun e djathtë, unë do të vija me gjithë qejf Florenzin. Do ta kisha si kundërshtar në fushë, por është bukur kur luajnë më të fortët”, deklaroi sot Spalletti.