Foseca dhe e gjithë skuadra e Romës dalin negativ ndaj Covid-19

Paulo Fonseca, i cili kishte takuar Pinton pak ditë më parë, nuk udhëtoi me skuadrën drejt Crotones pasditen e djeshme, por iu nënshtrua një tjetër tamponi.

Rezultati ishte sërish negativ dhe tekniku portugez fluturoi menjëherë drejt Crotones mëngjesin e sotëm, për t’u bashkuar me skuadrën dhe për t’u ulur normalisht në pankinë, në një sfidë ku verdhekuqtë do të kërkojnë fitoren e radhës.

Ndërkohë nga testimet e kryera dje e gjitha skuadra ka rezultuar negative ndaj Covid-19, ndaj nuk do të ketë asnjë problem për asnjërin prej tyre.