FOTO/ Lufta Neymar-Barcelona përfundon në dyert e FIFA-s, pretendohen miliona euro të tjera

Luftë totale mes Neymar dhe Barcelonës, prej së cilës mund ta kenë pasoja edhe senatorët e skuadrës blaugrana. Pak ditë më parë Barcelona denoncoi futbollistin brazilian për mospërmbushje të kontratës.

Barcelona kërkon rreth 38 milionë euro të tjerë, pasi pretendon që Neymar ti kthejë bashkë me interesat shpërblimin që mori në momentin e rinovimit të kontratës tetorin e kaluar, marrëveshje që më pas u prish nga lojtari duke paguar klauzolën.

Edhe futbollisti ka denoncuar së fundmi klubin blaugrana, pasi pretendon se Barcelona i detyrohet edhe 26 milionë euro, të parashikuara në një bonus pikërisht në të njëjtën kontratë.

Në pritje që të flasë Gjykata për t’i dhënë të drejtë njërës prej palëve, “lufta” mes lojtarit dhe klubit ka përfunduar tashmë në FIFA.

Do të jetë institucioni më i lartë i futbollit botëror që do të vendosë se cila palë ka të drejtë.