“France Football” zbulon formacionin më të mirë të historisë së futbollit

“France Football” publikoi emrat e futbollistëve të parë që bëjnë pjesë në “Ballon D’Or Dream Team”, çmimi që vlerëson futbollistët më të mirë të historisë.

Duke qenë se këtë vit nuk u dha Topi i Artë për shkak të pandemisë, revista prestigjioze sportive vendosi që të përzgjedhë futbollistët më të mirë të historisë, duke krijuar formacionin e ëndrrave.

Në portë është Lev Yashin, në mbrojtje Cafu, Beckenbauer dhe Maldini. Në mesfushë rreshtohen Xavi dhe Matthaus, ndërkohë që Pele dhe Maradona janë përzgjedhur pas krahëve të trinomit magjik, Messi, Ronaldo fenomeni dhe portugezi Ronaldo.