Ftohtësia angleze “vret” kroatët, ballkanasit zbresin në Ligën B

Anglia është skuadra e parë që i bashkohet Portugalisë në raundin e dytë të Ligës së Kombeve.

Britanikët zhvilluan një takim karakteri në “Wembley” teksa përmbysën në pak minuta finalistët e Kupës së Botës Rusi 2018, Kroacinë. Lingard e Kane ishin autorët e golave. Ylli i United realizoi golin e barazimit në minutën e 78-të, ndërsa pak minuta më pas Kane i dha goditjen përfundimtare Kroacisë, që zbret një Ligë më poshtë. Goli i nderit për ballkanasit e shënoi Kramaric.

Pas kësaj fitoreje, Anglia merr kreun me 7 pikë dhe vijon rrugëtimin e saj në Ligën e Kombeve, ndërkohë që vetëm vendi i dytë për Spanjën, që biletën e Euro 2020 do ta kërkojë përmes rrugës më të gjatë, përmes kualifikueseve.