Furgoni i ekipit të Egnatias përfshihet në një aksident rrugor

Egnatia nëpërmjet një postimi në faqen zyrtare të klubit ka njoftuar se fugoni i futbollistëve të skuadrës është përfshirë në një aksident rrugor në autostradën Durrës-Tirana.

Klubi njofton se për fat të mirë, nga aksidenti ka pasur vetëm dëme materiale dhe gjithçka është kaluar pa probleme.

Momente paniku te Egnatia, dhe për këtë arsye klubi ka vendosur të dalë me reagim, duke i qetësuar të gjithë, pasi nuk ka pasur probleme në njerëz. Siç duket nga pamjet e postuara nga klubi, fugoni i skuadrës është përplasur nga një makinë e tipit “Benz”.