Futbollistët e Kukësit bojkotojnë stërvitjen, nuk kanë marrë pagat

Futbollistët e Kukësit kanë bojkotuar stërvitjen e ditës së sotme, në shenjë proteste për pagën e padhënë të muajit të kaluar. Lojtarët dolën në fushën e stërvitjes, ku qëndruan të ulur duke mos pranuar të zhvillonin seancën.

Kukësi i ka bërë një nisje të dobët kampionatit, me dy humbje në dy ndeshjet e para, shkruan A2. Rrogat e padhëna si edhe protesta rrezikojnë të ndërlikojnë ecurinë e skuadrës së Skënder Gegës.