Gara për golashënuesin më të mirë në Europë, mësoni se kush e kryeson renditjen

Ylli i Barcelonës, Lionel Messi, vazhdon të jetë golashënuesi më i mirë këtë sezon në Europë. Argjentinasi në 11 ndeshje këtë sezon me Barcelonën në të gjitha garat, ka shënuar 14 gola, duke lënë në vendin e dytë Ciro Immobilen dhe Pierre-Emerick Aubameyang me nga 13 gola.

Ndërsa në top-pesëshen janë edhe treshja Falcao, Paulo Dybala dhe Robert Lewandowski me nga 12 gola.

Pjesë e 20 golashënuesve më të mirë në Europë nuk është Cristiano Ronaldo, i cili është favoriti kryesor për “Topin e Artë” edhe këtë vit.