Gervinho i përgjigjet ofertës së Interit: Jam mirë, po argëtohem te Parma!

Gervinho nuk ka ndërmend që të ndryshojë skuadër në merkaton e dimrit. Sulmuesi nga Bregu i Fildishtë shikohej si një përforcim për zikaltërit që duan një lojtar me eksperiencë për t’ia bashkangjitur treshes Lautaro-Lukaku-Sanchez.

Gjithsesi 33-vjeçari nuk dëshiron që do të lëvizë nga Parma, skuadër ku është protagonist javë pas jave me gola të rëndësishëm.

“Sa i përket të ardhmes sime, do ta marrë vendimin në fund të sezonit. Për momentin do të vazhdoj që të argëtohem te Parma. Objektivi i parë për Parmën është që të sigurojmë sa më parë qëndrimin. Më pas do të shohim nëse mund të arrijmë kualifikimin për në Europë”, deklaroi Gervinho.