Giroud përfundon në listën e dëshirave të Juventusit

Juventusi është në kërkim të një sulmuesi. Pas Scamacca, i cili mendohet për të ardhmen, bardhezinjtë po vlerësojnë edhe lojtarë të tjerë me më shumë eksperiencë.

Sipas mediave italiane, në krye të listës së dëshirave të trajnerit Andrea Pirlo është Olivier Giroud i Chelsea. Marrëveshja nuk është e lehtë për t’u konkretizuar, pasi Lampard nuk dëshiron ta humbasë francezin.

Alternativat e tjera që ndiqen nga bardhezinjtë janë Graziano Pelle i Shandong Luneng dhe Fernando Llorente, i cili do të largohet nga Napoli.