Gjoka i befason të gjithë, i dërgon në plazh futbollistët për t’u stërvitur

Shumë skuadra te Kategorisë Superiore nuk kanë mundësi për të zhvilluar fazën përgatitore jashtë vendit. Kukësi dhe Partizani, janë dy nga ekipet që zgjodhën Turqinë për t’u përgatitur për pjesën e dytë të sezonit.

Kamza ndërkohë ka gjetur një tjetër rrugë për të zhvilluar stërvitjet, duke parë temperaturat e ulëta në Tiranë. Trajneri Ernest Gjoka, i ka befasuar të gjithë, duke i dërguar të tijtë në breg të detit të Durrësit, për të kryer ushtrime të shumëllojshme, shumica e të cilave lidhur me ushtrime fizike.

Strategu i njohur synon që të zhvillojë paraqitje sa më të mira në këtë sezon, teksa objektivi primar është qëndrimi në elitën e futbollit shqiptar.