Guardiola: Dua të drejtoj një ekip kombëtar

Pep Guardiola do të kishte dëshirë të trajnonte një ekip kombëtar pas eksperiencës së tij me Manchester Cityn.

Spanjolli ka fituar 24 trofe në karrierën e tij, 14 prej të cilëve me Barcelonën.

“Do të kisha dëshirë të isha trajner i një ekipi kombëtar. Do të më pëlqente shumë. Do të ndodhë, sepse do të më jepte kohë më të mirë, do të doja të luaja më tepër golf, për momentin nuk kam kohë. Herët apo vonë do të ndodhë, nëse një ekip kombëtar do të trokasë në derën time, unë do ta pranoja”, është shprehur Guardiola.