“Herët ose vonë do të kap”, trajneri i Marseille sherr me një gazetar në parking (VIDEO)

Andre Villas-Boas ka kërcënuar dhe më pas ka patur një debat të nxehtë me një gazetar që prej kohësh, kritikonte paraqitjet e skuadrës së tij.

Strategu portugez është kapur duke kërcënuar hapur një pjesëtar të shtypit pas humbjes së pësuar në kampionat kundër Rennes: “Vazhdo kështu, herët ose vonë do të kap. Nëse do të kem rastin të të takoj… Vazhdo kështu, shumë mirë”.

Më pas, nga sa mësohet, të dy janë përballur në një parking me portugezin që duket se e ka kërcënuar përsëri dhe e ka fyer gazetarin. Situata nuk a degjeneruar vetëm falë ndërhyrjes së Ricardo Carvalho-s, i cili është ndihmës-trajneri i Marseille.