Ibrahimovic komenton përballjen Inter-Milan: Shpresoj që të jetë …

Zlatan Ibrahimovic tregohet diplomat duke mos zgjedhur asnjë skuadër mes Interit dhe Milanit, kur u pyet për Derbin e Madoninës. I intervistuar nga Sky Sports, sulmuesi i Los Angeles Galaxy foli për derbin e Madoninës dhe si një ish-lojtar që ka lënë shenjë fillimisht me ngjyrat zikaltër dhe më pas me ato kuqezi Ibra u uroi fat të dyja skuadrave.

“Si një ish-interist dhe ish-milanist, derbi do të jetë gjithmonë një spektakël, gjithmonë i bukur për t’u parë si tifoz dhe ta luash si futbollist. Shpresoj të jetë një ndeshje e bukur dhe tifozët të argëtohen. Kush fiton? Të shohim, shpresoj të fitojë më i miri dhe ju uroj fat të mbarë të dyja ekipeve”, deklaroi bomberi suedez.