Igli Tare, Drejtori Sportiv më i mirë për vitin 2017 në Itali

Igli Tare merr një tjetër vlerësim të rëndësishëm në Itali pasi është përzgjedhur si Drejtori Sportiv më i mirë për vitin 2017. Në sondazhin e kanalit “Sportitalia”, Igli Tare ka siguruar më shumë vota se të gjithë në sondazhin e publikuar në “Facebook”.

Mbështetës nga të gjitha klubet italiane kanë zgjedhur Taren, që ka lënë pas me diferencë të madhe ndjekësit në anketën në fjalë. Igli Tare ka bërë një punë të shkëlqyer në vitet e fundit, duke afruar futbollistë me kosto minimale dhe më pas duke i shitur me shifra shumë më të larta.

Tare që e nisi me jo pak skepticizëm punën e drejtorit sportiv, por tashmë është një nga emrat më të rëndëishëm në futbollin italian. /Koha Jonë/