Inter, tetë faqe reklamë në La Gazzetta për të tërhequr tifozët në stadium

InterIs Coming. Nesër Inter nis kampionatin duke pritur Fiorentinën në San Siro. Klubi zikaltër ka blerë plot tetë faqe të Gazzetta dello Sport për t’i bërë reklamë fushatës së abonimeve, shitjes së biletave në stadium dhe teserimit në filialet e Inter Club.

Me një letër të nënshkruar nga zv.presidenti Javier Zanetti, klubi u bën thirrje tifozëve t’i qëndrojnë pranë skuadrës.

“Na pret një sezon përcaktues, në të cilin duam të tregojmë se jemi të bashkur, për t’u kthyer protagonistë e për t’ju bërë edhe më krenarë, për t’jua shpërblyer gjithë besimin që na keni shfaqur përherë”, shkruan Zanetti.