Interi bën tifo për një triumf të PSG sonte ndaj Bayernit, ja përse …

Paris Saint-Germain dhe Bayern Munich do të zbresin në fushë mbrëmjen e sotme për finalen e Champions League që do të zhvillohet në Lisbonë.

Nga njëra anë është Mauro Icardi, por që do ta nisë ndeshjen nga stoli pas paraqitjes jo shumë të mirë kundër Atalanta-s, nga tjetra Ivan Perisic: dy ish-yje të Inter-it, por vetëm njëri do të mund të festojë.

Sipas La Repubblica, zikaltrit mund të jenë tifozë me francezët, duke parë bonuset që janë përfshirë në kontratën e Icardi-t.

“Një arsye më shumë për Inter-in për të qenë me PSG-në. Në rast fitoreje, zikaltrit do të përfitojnë 2 milionë euro, bonus i parashikuar nga kontrata e shitjes së Icardi-t”, lexohet në të përditshmen italiane.