Interi “blindon” vendin në zonën Champions, mund Frosinonen në transfertë (VIDEO)

Interi hedh një hap të rëndësishëm drejt sigurimit të një bilete për në Champions League sezonin e ardhshëm. Zikaltrit fituan 3-1 në transfertën ndaj Frosinones, duke ruajtur vendin e tretë me 60 pikë pas 32 javësh.

Interi gjeti shumë shpejt golin që në minutën e 19-të me Nainggolan, i cili shënoi me kokë pas një krosimi nga e djathta. Në minutën e 37-të, zikaltrit fituan një penallti që u kthye në gol nga Ivan Persic, që e mori përsipër.

Në pjesën e dytë vendasit hapin në minutën e 61-ë me Cassata, i cili mposhti me një goditje në hyrje të zonës portierin Handanovic. Vendasit pavarësisht përpjekjeve nuk mundën që të shënonin një tjetër gol dhe tashmë e shohin veten shumë pranë rënies në Seria B, pasi ndodhen 8 pikë larg vendit të 17-të. Ndërkohë që Interi shënoi në minutën e tretë shtesë me Vecinon, që konkretizoi një aksion të shpejt të ekipit të tij.

/R.Lika-Koha Jone/

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = ‘https://www.scorebat.com/embed/embed.js?v=m2to’; fjs.parentNode.insertBefore(js, fjs); }(document, ‘script’, ‘scorebat-jssdk’));