Interi refuzon një ofertë të frikshme për Shkriniar

Interi po kalon një moment të vështirë në kampionat, por ecuria e javëve të para ka treguar se Spaleti ka në skuadër disa elementë të rëndësishëm. Njëri prej tyre është edhe Milan Shkriniar, i cili ka përfunduar në orbitën e disa klubeve të mëdha.

Agjenti i mbrojtësit të talentuar (Karol Csonto), i cili ka shkëlqyer me fanellën zikaltër në këtë sezon ka zbuluar për mediat se Interi ka refuzuar nga 60 deri në 65 milionë euro për lojtarin. 4 nga klubet më të mëdha të Europës, Barcelona, Reali i Madridit, Mançester Siti dhe Junajtid kanë shprehur interes për të paguar këtë shumë te klubi italian.

Interi mund të rimendojë shitjen e tij në rast se në fund të sezonit nuk arrin në zonën Champions./Koha Jonë/