Izmir Smajlaj shpallet kampion Ballkani në Stamboll

Izmir Smajlaj është kampioni i ri i Ballkanit për sallat e mbyllura në kërcim së gjati. Shkodrani bëri një performance të shkëlqyer, që jep shpresa reale për Olimpiadën e Tokios, teksa kërceu 7.91 metra në kampionatin e zhvilluar në Stamboll të Turqisë.

Për Smajlaj një tjetër medalje të metalit më të çmuar pas asaj që e shpalli kampion europian në Beograd, në marsin e vitit 2017.