Jemi Një! Igli Tare: Kosova dhe Shqipëria, me një kombëtare

Jemi NJË”. “Një komb, një Kombëtare.” E ndërsa Kosova kërkon të bëhet një vend anëtar në FIFA, e UEFA me të drejta të plota, shtohen zërat që futbolli kosovar dhe ai shqiptar të bashkojë forcat dhe të konkurrojnë si tani, e vazhdimisht me një dëshirë dhe një qëllim, për të njëjtin objektiv. Tifozët kuqezi e kanë shprehur dëshirën e tyre, me kohë. Shqipëria dhe Kosova “Janë Një!” dhe asnjë më shumë.  Ish- sulmuesi i Kombëtares Shqiptare, aktualisht drejtor sportiv i Lazios, Igli Tare del hapur me këtë tezë, duke bërë thirrje që Kombëtarja e Shqipërisë të jetë vazhdimisht një e vetme. Tare rrëfen 41 vite të jetës së tij, detaje, që nga e kaluara e tij si futbollist, e deri në ditët e sotme. Këtë rrëfim ai e ka bërë gjatë një interviste për “Kohavision”, ku Igli Tare ka rrëfyer punën e tij prej menaxheri, si dhe  tratativat e lehta dhe të vështira. Gjithashtu ai ka folur edhe për Kombëtaren Shqiptare, për të cilën ka thënë se beson shumë se Gjykata e Arbitrazhit Sportiv do t’ia japë pikët e plota Shqipërisë  dhe një fitore eventuale me Armeninë, sipas tij, do t’i afronte kuqezinjtë ë shumë afër kualifikimit, që mbetet ëndrra e të gjithë tifozëve. Futbollisti shtatlartë ka folur edhe për përfaqësuesen e Kosovës, duke thëne se ka ndjekur ndeshjen ndaj Omanit. – “Kam parë ndeshjen që ka fituar 1-0 me Omanin, por unë jam i një dëshire tjetër, ne jemi një Komb dhe duhet të kemi një Kombëtare”. E respektoj faktin që në këtë moment duhet të jetë dhe Kombëtarja e Kosovës, e kam shumë të vështirë të shoh një Kombëtare shqiptare me një ngjyrë që neve nuk ka përket, e kam të vështirë në këto momente, ka përfunduar Tare.