Jemi racistë se kështu na pëlqen! Hetime, pas “tërbimit” të tifozëve të Chelsea

Policia Britanike po analizon fotot që tregojnë tifozët e Chelsea, të cilët ndalën një njeri me ngjyrë në Paris, pas zbritjes nga treni, si dhe u tallën me të. Video amatore është shënuar në momentin kur treni po ndalonte në stacionin e Parisit dhe ishte mbushur me tifozë anglezë të cilët në kor thërrisnin: – “ne jemi racistë, jemi racistë sepse kështu na pëlqen.” Policia Britanike është shprehur sot se po e merr shumë seriozisht incidentin dhe kërkon të identifikojë tifozët, që sipas medieve britanike, turpëruan klubin e tyre, futbollin, vendin,  dhe më gjerë. Në një deklaratë zyrtare klubi i Chelsea dënoi sjelljen e tifozëve. Edhe UEFA dënoi thirrjet raciste, sikurse Federata Angleze e Futbollit. Sakaq, edhe autoritet franceze kanë nisur hetimet mbi ngjarjen. Skenat janë cilësuar të shëmtuara dhe të papranueshme. Chelsea u përball me PSG të martën në mbrëmje, në Paris, në ndeshjen e parë të Champions, e vlefshme për një vend në çerekfinale të këtij kompeticioni. Kjo ndeshje përfundoi në barazim 1-1. Ivanoviç shënoi në pjesën e parë, por barazoi shifrat në pjesën e dytë të ndeshjes, Kavani.