Jo vetëm Milani, edhe Barcelona në garë për “Messin e Kosovës”

Edon Zhegrova është kthyer në protagonistin krye në merkaton europiane. Pas lajmit të bërë publik nga “Sportmediaset”, ku thuhej se 19-vjeçari shihet si zëvendësuesi ideal i Çalhanoglu te Milani, një tjetër lajm i bujshëm është duke qarkulluar në mediat spanjolle.

“Fichajese.com” raporton se në garë për Shqiptarin e Kosovës nuk është vetëm Milani, pasi Zhegrova ka zgjuar interesin edhe të Barcelonës, teksa drejtuesit katalanas kanë hedhur sytë nga 19-vjeçari, që është cilësuar si “Mesi i Kosovës”.

Zhegrova u transferua në verën e vitit 2017 në radhët e Genkut, ku më parë ishte aktivizuar me St Truden. Edhe pse në dukje duke disi e pamundur që futbollisti i Kosovës të transferohet te gjigantët e Barcelonës, “çmenduritë” në merkato na kanë mësuar që “kurrë mos themi kurrë”.