Jo vetëm Milani, edhe Jose Mourinho kërkon Armando Brojën

Në Itali janë “të dashuruar” me Armando Brojën. Pasi Chelsea refuzoi të pranonte një ofertë nga Milani për huazimin e 21-vjeçarit kuqezi, në sulm për të është hedhur një tjetër ekip i Serie A.

Sipas SkySport, Roma është e interesuar për shërbimet e sulmuesit të kombëtares, pasi ka hasur në vështirësi për të shkuar te Duvan Zapata i Atalantës.

Verdhekuqtë e drejtuar nga Jose Mourinho kanë kërkuar informacion për Brojan, pasi ka mbyllur marrëveshjen me PSG për të transferuar Leandro Paredes dhe Renato Sanches.

Skuadra e kryeqytetit italian do ta kërkojë sulmuesin në formë huazimi, por për momentin “Blutë e Londrës” nuk janë të hapur ndaj kësaj formule.