Juve, Milan apo Interi? Cassano surprizon: Ja kush e fiton ‘Scudetton’

Antonio Cassano nuk beson se Juventus do ta mbrojë titullin e kampionit në Serie A. Në një intervistë për emisionin “Tiki Taka”, sulmuesi  i njohur italian theksoi se këtë sezon Interi do të fitojë Scudetton, shkruan “Football-Italia”.

“Interi do ta fitojë Scudetton. Luciano Spalletti është një trajner i shkëlqyeshëm”, tha fillimisht ai.

Ndërsa Cassano foli edhe për krahasimin ndërmjet Dybala dhe Messit.

“Dybala? Ai nuk do të jetë si Messi. Messi është lojtari më i mirë në histori dhe vetëm Cristiano Ronaldo i afrohet atij. Ju nuk mund ta krahasoni diçka të paarritshme me një lojtar të shkëlqyeshëm. Dybala është i fortë, ai është inteligjent dhe shënon shumë gola, por Messi është diçka tjetër”, përfundoi ai.

/ SYRI.net /