Juventus për turp ndaj Spalit, nuk arrin që të fitojë (VIDEO)

Juventus nuk shkon më shumë se një barazim pa gola ndaj Spalit në ndeshjen e javës së 29-të. Bardhezinjtë në këtë mënyrë e kanë çuar në 5 pikë diferencën ndaj Napolit, që do të luajë nesër ndaj Xhenoas.

Vendasit e nisën më mirë ndeshjen, duke qenë të vendosur mjaft mirë në mbrojtje, ndërkohë që bardhezinjtë kishin vetëm një mundësi shënimi me Aleks Sandron, por goditja e tij u devijua në fund nga futbollistët e Spalit. Dibala ishte pranë golit nga një goditje dënimi.

Në pjesën e dytë Juventus shtoi presionin, por hasi shumë vështirësi në gjetjen e hapësirave. Dugllas Kosta vendosi në vështirë portierin Meret me një goditje në hyrje të zonës, por pa mundur që të gjejë rrjetën. Deri në fundin e kohës së rregullt, Juventus nuk arrin që të gjejë golin duke zhvilluar një ndeshje shumë të dobët.