Juventus sqaron dëmtimet, Dibala në fushë ndaj Totenhemit

Juventus është kthyer në stërvitje pas 9 ditë pushim. Djemtë e Masimiliano Alegrit janë rikthyer në qendrën stërvitore në Vinovo për t’u përgatitur për përballjen e radhës ndaj Xhenoas në kampionat. Klubi bardhezi në sajtin e saj zyrtar ka dhënë dhe informacionet e fundit në lidhje me dëmtimet. Dibala dhe Markizio janë konfirmuar për të qëndruar jashtë fushave nga 30 deri në 40 ditë, por periudha ka filluar që në javën e parë të këtij muaji.

Sulmuesi argjentinas, në këto kushte mund të rikuperohet edhe për ndeshjen e parë të Ligës së Kampionëve ndaj skuadrës së Totenhemit. Disi më pozitive është situata për Bufon dhe Kuaradon, të cilët nuk do të jenë të gatshëm këtë fundjavë, por me shumë mundësi do të jenë në stërvitje duke filluar që nga dita e hënë. /Koha Jonë/