Juventus transferon talentin e Sampdorias, synon dhe Pelegrinin

Në pritje të kompletimit të blerjes së Emre Xhan, Juventus bën një goditje në perspektivë. Tratativat me skuadrën e Sampdorian kanë pasur një fund të lumtur, pasi bardhezinjtë do të transferojnë Denis Praet.

Mesfushori do të qëndrojë deri në fund të sezonit në formë huazimi te skuadra aktuale. Kampionët e Italisë do të paguajnë shifrën e 25 milionë eurove, duke mposhtur konkurrencën me Interin për lojtarin belg.

Juventus është shumë i vëmendshëm në merkato e të rinjve, teksa synon edhe afrimin e Pelegrinit, i cili nuk ka shumë hapësira te Roma. 25 milionë euro është vlera e kartonit të futbollistit të talentuar të verdhekuqve. /Koha Jonë/