Ka shënuar 7 gola në dy ndeshjet, Grizman kërkon të thyejë tabunë ndaj Barcelonës

Antoni Grizman po kalon një moment magjik. Sulmuesi francez në ndeshjen e fundit ndaj Leganes shënoi katër gola, duke i dhënë një sinjal të qartë Barcelonës, që është rivali i radhës në kampionat. Grizman ka shënuar plot 7 gola në dy takimet e fundit bashkë me tregolëshin ndaj Sevijas, është gati të thyejë një tabu për të, duke qenë se kurrë më parë nuk ka arritur të shënojë në “Camp Nou”.

Atletico mund të mbështetet te Grizman, pasi francezi në 193 paraqitje me këtë skuadër numëron plot 103 gola të realizuar. Barcelona tentoi të afronte në “Camp Nou” lojtarin francez gjatë verës dhe do të provojë sërish që ta bëjë në verën e ardhshme. /Koha Jonë/