Kapiteni Ujkani: Kroatët insistuan që ndeshja të mos luhej, UEFA do vendosë nesër për datën

Kapiteni i përfaqësueses së Kosovës, Samir Ujkani nëpërmjet një deklarate pas vendimit të marrë nga zyrtarët që ndeshja Kroaci-Kosovës të pezullohet, ka qartësuar përfundimisht situatën duke njoftuar se UEFA do të vendosë nesër për datën e zhvillimit të takimit.

29-vjeçari nga Vuçitërna tregon se ishin lojtarët kroat ata që insistuan që sfida të ndërpritej për shkak të frikës nga ndonjë dëmtim i mundshëm.

“Ndeshja është shtyrë. Ne synonim të vazhdonim por kroatët insistuan për jo. Frika ishte më shumë për lëndimet. Kështu që s’ka lojë dhe nesër UEFA vendos për datën e kësaj ndeshje”, ka thënë Ujkani.