Kean është i pandalshëm, 19-vjeçari i Juves shënon sërish (VIDEO)

Moise Kean nuk ka ndërmend të ndalet këtë sezon me Juventusin. 19-vjeçari i Juventusit po shënon rregullisht në çdo ndeshje që po aktivizohet.

Sot edhe pse bardhezinjtë po luajnë me shumë futbollistë të rinj ndaj Spal, ai ka arritur që të gjejë rrugën e rrjetës në minutën e 30-të. Cencelo tentoi me një goditje me të majtën në hyrje të zonës, topi u devijuar nga sulmuesi i talentuar italian duke e dërguar në cepin e portës.