Klauzola e fshehtë te United, Mourinho nuk mund të flasë

Stili i Jose Mourinhos është kthyer në një mark në vitet e fundit. Pas përjashtimit nga Manchester United dhe emërimit të Solskjaer, gjithçka ka ndryshuar.

Strategu portugez duhet të mendohet mirë para se të flasë. Sipas “The Time”, ai ka një klauzolë në kontratën me United, në të cilin ai nuk mund të flasë për arsyet e largimit, pasi në të kundërt mund të hapë dëmshpërblimin prej 17 milionë eurove të parashikuara në kontratë.

Jose Mourinho së fundmi i është bashkuar transmetimeve të “BeIn Sport”, ku komenton ndeshjet e Kupës së Azisë, ndërkohë që avokatët e United rrinë roje për të përfituar nga ndonjë gabim i tij. /Koha Jone/