Komisioni i Disiplinës pezullon presidentin e Bylisit

Presidenti i Bylisit, Besnik Kapllanaj është pezulluar me dy ndeshje nga Komisioni i Disiplinës, për shkak të protestave të tepruara ndaj arbitrave në ndeshjen që mallakastriotët luajtën më 30 dhjetor ndaj Skënderbeut në Korçë.

Disiplina mori edhe një sërë masash të tjera, kryesisht në kategoritë e ulëta, teksa spikat edhe fitorja në tavolinë e Kukësit U21 ndaj Shënkollit, pasi këta të fundit kishin aktivizuar 4 futbollistë të pa federuar.

Ja vendimet e Komisionit të Disiplinës:

1. Zyrtari i KF Bylis, Besnik Kapllanaj, për protestë ndaj vendimeve të zyrtarit të ndeshjes, në bazë të nenit 55/1 të KDS, dënohet me 2 (dy) ndeshje pezullim nga aktiviteti.
2. KF Turbina, në bazë të nenit 12 të KDS, paralajmërohet se në rast të përsëritjes së dështimit në përmbushjen e përgjegjësive, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
3. Lojtari i KF Gramshi, Armand Hysa, për sjellje josportive ndaj zyrtarit të ndeshjes, në bazë të nenit 48/1/a të KDS, dënohet me 4 (katër) ndeshje pezullim nga aktiviteti.
4. Lojtari i FK Këlcyra, Abaz Zaimi, për sjellje josportive ndaj kundërshtarit në bazë të nenit 47/1/d, të KDS, dënohet me 2 (dy) ndeshje pezullim nga aktiviteti.
5. Lojtari i SHS Përmeti, Klaudio Hoxha, për sjellje josportive ndaj kundërshtarit në bazë të nenit 47/1/d, të KDS, dënohet me 2 (dy) ndeshje pezullim nga aktiviteti.
6. Zyrtari i FK Dinamo U-17, Glen Herri, për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 8 (tetë) ndeshje pezullim nga aktiviteti.
7. Lojtari i Iliria U-19, Sokol Rrahmani, për goditje me grusht ndaj kundërshtarit, në bazë të nenit 47/1/e të KDS, dënohet me 5 (pesë) ndeshje pezullim nga aktiviteti.
8. Lojtari i Tirana B U-19, Semuel Xhika, për sjellje josportive ndaj zyrtarëve të ndeshjes, në bazë të nenit 48/1/a të KDS, dënohet me 8 (tetë) muaj pezullim nga aktiviteti.
9. Lojtari i KF Pogradeci U-19, Kevi Mançellari, për sjellje josportive ndaj kundërshtarit në bazë të nenit 47/1/d, të KDS, dënohet me 2 (dy) ndeshje pezullim nga aktiviteti.
10. Lojtari i FC Besa U-19, Enton Nova, për sjellje josportive ndaj kundërshtarit në bazë të nenit 47/1/d, të KDS, dënohet me 2 (dy) ndeshje pezullim nga aktiviteti.
11. Lojtari i Sh.F.Pepa U-17, Amadeo Krraba, për sjellje josportive ndaj zyrtarëve të ndeshjes, në bazë të nenit 48/1/a, të KDS, dënohet me 4 (katër) ndeshje pezullim nga aktiviteti.
12. Lojtari i KF Partizani U-17, Rei Peqini, për sjellje josportive ndaj zyrtarëve të ndeshjes, në bazë të nenit 48/1/a, të KDS, dënohet me 4 (katër) ndeshje pezullim nga aktiviteti.
13. Flamurtari FC U-15, për braktisjen e ndeshjes së vlefshme për Kampionatin Kombëtar të Kategorisë Superiore U-15, kundër KF Skënderbeu U-15, në bazë të nenit 54/1 të KDS dhe nenit 27.1 të Rregullores së Veprimtarisë Futbollistike, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
14. Shënkolli U-21, për aktivizimin e 4 (katër) lojtarëve të cilët nuk mund të merrnin pjesë në ndeshjen e vlefshme për Kategorinë Superiore U-21, kundër FK Kukësi, në bazë të neneve 30/3, 30/4/a dhe 53 të KDS dhe nenit 44.17 të Rregullores së Veprimtarisë Futbollistike Kategoria Superiore U-21, humbet ndeshjen në tavolinë me rezultatin 3-0, si dhe i zbriten 3 pikë nga klasifikimi.
15. Rrëzimin e kërkesës së zyrtarit të KF Burreli, Kastriot Rama, si të pabazuar në Kodin e Disiplinës Sportive.
16. Pranimin e kërkesës së lojtarit të FC Besa U-15, Kevin Hoxha, duke pezulluar zbatimin e pjesës së mbetur të dënimit. Në bazë të nenit 32/2/4/5 të KDS, lojtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.

Kundër vendimit lejohet ankim brenda 3 (tre) ditëve përpara Komisionit të Apelit.