Konfirmohet mungesa e rëndësishme e Skënderbeut

Skuadra e Skënderbeut do të presë nesër në orën 21:05 në “Elbasan Arena” zviceranët e Young Boys në sfidën e vlefshme për fazën e grupeve të Ligës së Europës.

Pas Tefik Osmanit, që është i konfirmuar që do të mungojë, korçarët nuk do të kenë në dispozicion as Marko Radasin, i cili duket se do të lihet pushim nga klubi për shkak të dëmtimit të pësuar në ndeshjen kundër Partizanit.

Kroati vijon të jetë i diferencuar dhe duket se nuk do të jetë në dispozicion të trajnerit Daja. Vendin e tij pritet ta zërë mbrojtësi Fidan Aliti, i cili do të përbëjë dyshen e qendrës me Jashanicën.