Konte “kriset” me Çelsin: Nuk vendos unë për merkato!

Antonio Konte dhe Çelsi janë gjithmonë e më larg njëri-tjetrit. “Divorci” mes tyre duket thuajse i sigurt në fundin e sezonit, pasi marrëdhëniet me strategun italian janë të krisura prej kohësh. Konte kërkon që të vendosë vet për merkato, por Blutë e Londrës nuk ja kanë dhënë këtë të drejtë, dhe kjo e ka nervozuar së tepërmi.

“Nga vera e kaluar, skuadra vendos për çdo lojtarë. Ka situata të ndryshme, kur unë mund të kem ndikim, dhe ka të tjera kur nuk kam. Puna ime është që të jem trajner, dhe të përmirësoj lojtarët e mi. Sigurisht nuk vendos shumë për transferimet”, ka thënë strategu italian në një intervistë të dhënë për mediat britanike. /Koha Jonë/