Kreu i UEFA-s, Ceferin mbështet ndryshimin e afatit të merkatos verore

Një tjetër ndryshim në futbollin evropian, ndërsa këtë herë vjen direkt nga presidenti i UEFA-s. Presidenti i shtëpisë më të evropiane të futbollit Aleksander Ceferin, i cili është zgjedhur në këtë post me 16 shtator të vitit të kaluar, ka mbështetur kërkesën e klubeve më të mëdha evropiane që afati i merkatos të mbyllet më herët. Për këtë temë të nxehtë të kësaj periudhe, Ceferin ka folur për “The Times”.

“Jam i ndërgjegjshëm që po zhvillohet një diskutim serioz në të gjithë Evropën mbi mundësinë e shkurtimit të merkatos verore. Ne, nga ana jonë, jemi duke ndjekur me vëmendje këtë kërkesë. Sipas këndvështrimit tim, nuk është diçka pozitive kur disa lojtarë e nisin sezonin me një skuadër të caktuar, e brenda pak ditësh ndryshojnë fanellë. Më duket sikur krijon paqartësi. Për këtë arsye jam në favor që merkato verore të shkurtohet”, ka deklaruar Ceferin.