Kritikat ndaj klubit, Mourinho gati të japë dorëheqjen nga Manchester United

Jose Mourinho dhe Manchester United sipas mediave britanike duket se në të ardhmen nuk do t’i kenë rrugët e përbashkëta. Tekniku portugez mund të largohet nga “djajtë e kuq” pasi gjithmonë e më shumë po i rrit kritikat ndaj klubit për shkak të merkatos si dhe një tjetër arsye është rikthimi i shpeshtë i “Special 1” në ‘shtëpi’(në Londër).

“Daily Mail” raporton se situata e krijuar nuk është në favor të klubit dhe Mourinho me Manchester United me gjasë do të ndërpresin kontratën në përfundim të sezonit.Me shumë mundësi në të ardhmen e portugezit po projektohet një lidhje me PSG.

Deklaratat e shpeshta më sarkazëm dhe polemikat me klubin, veçanërisht për merkaton, si edhe sulmi që i bëri një prej legjendave të skuadrës, Paul Scholes janë fakte të mjaftueshme të vuajtjes që Mourinho po përjeton në pankinën e Manchester United. Asnjëherë luzitani nuk ka arritur në këtë periudhë të krijojë një marëdhënie të mirë, ndërsa vazhdon të qëndrojë ende në hotel, e shpesh udhëton drejt Londrës ku jeton familja e tij.