Kriza e Milanit, City kërkon të përfitojë për t’i “rrëmbyer” Bonuccin

Kriza e thellë që po kalon Milan ka bërë që Leonardo Bonucci të mendojë largimin nga kuqezinjtë. Mbrojtësi italian po kërkon një përvojë të re, mundësisht angleze.

Pep Guardiola është ndër trajnerët që admiron prej kohësh kapitenin e “Djallit” dhe shkëndija mes tyre mund t’i rikthehet aktualitetit.

Në verën e 2016- ës e gjithë Europa foli për mundësinë e një transferimi të mbrojtësit te Manchester City. 18 muaj pas atyre zërave, një tjetër jehonë mbërrin nga Britania me 30- vjeçarin përsëri në qendër të spekulimeve për një transferim në Angli.

Guardiola, një javë më parë, duke folur për dëmtimet e mbrojtësve të tij deklaroi: “Kur City blen një lojtar e bën me largpamësi dhe jo për të plotësuar nevojat disa mujore. Aktualisht kemi tre lojtarë, por dimri është i gjatë dhe do të na duhet një përforcim”.

Të presim e të shohim çdo të ndodhë në vazhdim, por nëse Milan vazhdon me këto rezultate, atëherë Bonucci se ka të gjatë qëndrimin në Milano.