Kthim triumfues si titullar, Gareth Bale shënon një gol të veçantë

Gareth Bale u rikthye triumfues në formacionin titullar të Real Madridit, duke shënuar golin e parë për skuadrën e tij kundër Deportivo La Coruna. Për uellsianin ishte starti i parë që nga kthimi prej dëmtimit dhe ai kaloi në epërsi madrilenët, me golin e tyre të parë në kampionatin e ri.

Bale bëri të njëjtën gjë vjet, në javën e parë të kampionatit, kur shënoi golin e parë për Realin përballë Real Sociedad, në fitoren me të njëjtat shifra, 3-0.

Ai ishte autor i golit të parë të kampionatit edhe dy vjet më parë, kundër Real Betis. Në këtë mënyrë, Bale mbrëmë shënoi golin e parë të kampionatit për Real Madrid për të tretin sezon radhazi.