Kukësi bën goditjen e tretë në merkato, zyrtarizon një mbrojtës kroat

Kukësi bën goditjen e radhës në merkato. Kampionët e Shqipërisë kanë zyrtarizuar afrimin e mbrojtësit kroat Filip Zhderiç. Futbollisti është prezantuar në Turqi nga drejtuesit e klubit verilindor.

26-vjeçari Zhderiç, i cili vjen nga kampionati rumun, luan si mbrojtës i krahut të djathtë. Ai është prezantuar nga drejtori sportiv Nderim Nexhipi dhe menaxheri Naim Halili. Hapësira e lënë nga Hallaçi është zënë menjëherë nga futbollisti kroat, i cili mund të luajë edhe titullar me trajnerit Pakult. Ai është blerja e tretë e Kukësit, pas Donjet Shkodrës dhe gjerogjianit Irakli Dzaria.