Kukësi mundet nga Basaksehir në testin e parë në Turqi (VIDEO)

Kukësi ka humbur takimin e parë miqësor, të zhvilluar sot në Antalia. Ekipi e drejtuar nga trajneri Armando Cungu është përballur me ekipin e Basaksehir, duke u thyer me rezultatin 2-1.

Vendasit hapën serinë e golave në këtë takim, teksa në minutën e 24 Bajiç shënoi në portën verilindore. Më pas në pjesën e dytë Epureanu shënoi dhe golin e dytë për Basaksehir në minutën e 62-të.

Goli, që ngushtoi diferencën në këtë miqësore, për Kukësin do të shënohej nga Çyrbja në minutën e 79-të.

Ky ishte takimi i parë i planifikuar nga Kukësi në këtë fazë përgatitore, teksa në vijim do të zhvillohen dhe ndeshje të tjera miqësore, për të parë nga afër gjendjen e skuadrës dhe për të provuar të gjithë lojtarët, përfshi dhe ata të afruar gjatë merkatos së janarit.