Kupa e Botës/ Dominon skiatorja Shiffrin, vendos një dorë tek titulli kampion

Mikaela Shiffrin është zyrtarisht Mbretëresha e Skive.

22-vjeçarja  shënoi fitoren e 38-të në Kupën e Botës dhe tani ka 1081 pikë në renditjen e përgjithshme të botërorit të skive, më shumë se dyfishi i totalit të rivales të saj më të afërt, Viktoria Rebensburg të Gjermanisë (510).

Shiffrin sundoi gjatë gjithë garës së zhvilluar në pistën e Medvednica të Kroacisë duke e prerë finishin 1.59 sekonda para zvicerianes Wendy Holdener që e mbylli e dyta, ndërsa Frida Hansdotter nga Suedia plotësoi podin, 0.52 sekonda larg vendit të parë.