Laçi në super formë, shkatërron Kastriotin në miqësore

Laçi është një ndër skuadrat që po gëzon formën më të mirë këtë sezon në Kategorinë Superiore. Ekipi i drejtuar nga Gentian Mezani, synon që të ruajë formë e javëve të fundit, teksa sot ka fituar thellë miqësoren 4-1 ndaj skuadrës së Kastriotit.

Dominimi i kurbinasve ishte i dukshëm, me Xhixhën, i cili shënoi dy gola, ndërkohë shënuan emrin në listën e shënuesve edhe Nikaj me Beqajn. Në formacionin e Laçit luajti edhe Shtubina, i cili është afruar në merkato e janarit.

Kastrioti ndërkohë shënoi vetëm një gol nderi me Xhaferrin. Laçi këtë sezon mban vendin e tretë në renditje.