Largohesh nga Reali? Zyrtarisht Benzema flet për të ardhmen

Sulmuesi Karim Benzema nuk ka kursyer elozhet për klubin e Real Madridit me të cilin ka kaluar 9 vite të karrierës së tij.

Në një intervistë për “BEIN Sports”, sulmuesi francez tha se duhet të punojë shumë për të mbajtur formën e mirë, shkruan e përditshmja spanjolle “AS”.

“Është klubi më i mirë në botë. Është një kënaqësi dhe një krenari që jam pjesë e Realit. Pritshmëritë janë shumë të forta dhe çdo sezon fillon nga zeroja. Më duhet të punoj shumë për të mbajtur nivel të lartë”, u shpreh fillimisht ai.

Ndërsa i pyetur për të ardhmen e tij, sulmuesi u përgjigj me diplomaci:

“E ardhmja? Nëse po kaloj mirë këtu, nuk kam nevojë të shkoj diku tjetër …”, përfundoi ai.