Largohet nga Milani, sot testet mjekësore me klubin e ri

Milani po largon nga skuadra lojtarët e padobishëm. Drejtues të klubit kuqezi kanë rënë dakord për shitjen e mesfushorit, Jose Sosa tek klubi turk i Trabzonsporit.

Sipas “Calciomercato.com”, futbollisti argjentinas ka pranuar ofertën e klubit turk që i ka ofruar kontratë 3-vjeçare me pagë prej 5 milionë euro në sezon.

Agjenti i Sosës ka qenë në Stamboll për disa orë për të përcaktuar detajet e fundit dhe sot, Sosa pritet të mbërrijë për të kryer testet mjekësore me klubin e ri.

Milan do të përfitojë 5.5 milionë euro nga shitja e tij.

Kujtojmë që Sosa u transferua në ‘San Siro” në verën e vitit 2016 nga Besiktasi për 7.5 milionë euro.

/ SYRI.net